Plantun de Prouvènço

Pèr coumpara dos planto d'encò nostre

Polygonum maritimum & Nigella nigellastrum

Polygonum maritimum

Polygonaceae

Nom en français : Renouée maritime.

Descripcioun :
Aquesto tirasseto estiro si fueio verdalo e envertouiado dins la sablo en ribo de mar. Fai de pichòti flour blanco vo de cop que i'a un pau roso. La cambo èi cuberto d'un fourrèu blanc que finis pèr s'estrassa.

Usanço :
Se counèis pas d'usanço particuliero pèr aquelo planto.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Polygonum
Famiho : Polygonaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Mar - Sablo
Estànci : Pancaro entresigna
Couroulougi : Pancaro entresigna
Ref. sc. : Polygonum maritimum L.,1753

Garidello

Nigella nigellastrum

Ranunculaceae

Nom en français : Garidelle fausse nigelle.

Descripcioun :
La garidello trachis dins quàuqui champ de cerealo d'auto Prouvènço, mena en agriculturo tradiciounalo. Es uno planto devengudo forço raro e toujour maleisado de vèire, que li flour soun mistoulino, li tijo, emai grando, primo, e en mai d'acò flouris en pleno calourasso en juliet. Lou miés es encaro de cerca li fru que soun mai facile de destria.

Usanço :
Es uno planto empouisounanto coume lis àutri Nigella.

Port : Erbo
Taio : 20 à 100 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Nigella
Famiho : Ranunculaceae

Ordre : Ranunculales

Coulour de la flour : Bluio
Petalo : 5
Ø (o loungour) flour : 6 à 12 mm
Flourido : Estiéu

Sòu : Ca
Autour basso e auto : Pancaro entresigna
Aparado : Vo
Remarco : Champ de cerealo

Liò : Champ - Meissoun
Estànci : Termoumediterran à Mesoumediterran
Couroulougi : Asìo-Ouèst e Estenomediterran-Nord-Ouèst
Ref. sc. : Nigella nigellastrum (L.) Willk., 1880 (= Garidella nigellastrum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Polygonum maritimum & Nigella nigellastrum

Coumpara Tirasseto(-de-mar) emé uno autro planto

Coumpara Garidello emé uno autro planto